孫慧雪4個月巨肚似臨盆在即 背痛尿頻《愛回家》朱茜即時停工

孫慧雪（Snow）1月尾時宣布懷第2胎，目前佗B未到5個月，孕肚已像8個月大，非常誇張。早前佢提早拍攝大肚寫真，比一般孕婦早多幾個月，雪雪於社交平台分享拍攝時的花絮片，獲唔少網民大讚靚爆鏡！雪雪接受《晴報》訪問時透露，現時出入已經唔太方便，呢胎BB真係以光速成長呀！

同場加映：  中年好聲音丨支嚳儀無怨被醫學世家堵夢想路 涂家堯重視比賽友情成意外收穫 

{{hket:ul-video id="7737"}}{{/hket:ul-video}}

{{hket:inline-image name="334089166_3420205074892526_4328549521983351359_n.jpg"}}{{/hket:inline-image}}

雪雪着上輕紗服飾影唯美大肚寫真，露出巨型孕肚同白滑長腿，而且仲非常低胸，散發女人味。唔少網民留言大讚佢係「超級靚媽」：「大肚都影到咁靚，美而不浮誇」、「真心佗得好靚，個肚又圓又大」、「皮膚好好呀，係咪佗女？」、「點解可以肥肚唔肥人！」

另外，雪雪早前於《愛回家之開心速遞》中飾演朱茜一角成功入屋，自佢宣布懷有第二胎嘅好消息後，唔少觀眾都擔心佢要暫別劇組，又怕佢角色唔連戲會從此出局，非常不捨。《晴報》訪問雪雪現時身體狀況，雪雪透露已經停工養胎：「而家個肚有啲大，有時會背痛，瞓覺要側睡，夜晚瞓覺會成日起身去洗手間，差唔多一晚4次。《愛回家之開心速遞》就暫時停工啦！因為肚仔太大都唔方便。」大家要再見到雪雪出鏡，起碼要半年後喇！

圖片來源：Instagram